Mathom House
Люкиськон, келяськон
Сюресъёе возьмало.
Кошкыло егитъёсмы,
Ой, пöртэм шаере.
Кыткемын сэзь валъёс,
Усьтэмын капкаос, –
Ку меда пумиськомы
Табере, мусое?
Урамтй кошкыкум,
Туганэ келяку,
Баблес туг мед лусал,
Ой, сьöрам нуыны.
Бусытй кошкыкум,
Гурт калык келяку,
Ыркыт тöл мед лусал,
Ой, ваньдэс чупаны.
Мусое, гажанэ,
Мон тонэ малпало
Тонэныд пумиськыны
Оскыса мон уло.
Ортчозы нуналъёс,
Усёзы чуж куаръёс...
Тон доры берытскыны
Мон шедьто сюресъёс.
(Г. Красильников)
Яратоно удмурт нылъёсы но пиосы! Мед луоз сюресты паськыт но кузь, зеч эшъёсын бадзым ужъёс лэсьтыны мед кылдоз! Нош куке но пичи сюрес кузя берен вуоды кошкем капкады азе но, ми шумпотыса пумиталом. Вамыштэ, лобзе, нош ми возьмалом... Воё сюрес тйледлы!
Оскыса но синмаськыса,
Ангелина Ефремовна.
|
|
Домашняя • Эпиграфы • Mathom House • Настроения ГЛ • Сказки ГЛ • Поляна сокровищ 
|
